کابل؛ د ملي ټولنو نړیوال فدراسیون، افغاني سرې میاشتې ته غیر خوراکي توکي او يو فورکلېفټ موټر وسپارل

arcs_website_admin
Wed, Sep 09 2026 8:31 AM
K

چهارشنبه، ۲۶ ربیع‌الاول ۱۴۴۸

په افغانستان کې د ملي ټولنو نړیوال فدراسیون، افغاني سرې میاشتې ته ۱۶۰۰ کمپلې، ۲۰۰ خېمې، ۲۰۰ د پخلنځي سیټونه، ۴۰۰ ترپالونه، ۴۰۰ د پاکو اوبو د ساتنې بوشکې او یوه عراده بار پورته کوونکی موټر (فورکلېفټ) وسپارل.

دغه مرسته په کابل کې د ملي ټولنو نړیوال فدراسیون د مشر ښاغلي حسام فیصل له لوري د افغاني سرې میاشتې عمومي رئیس ښاغلي شیخ الحدیث شهاب ‌الدین دلاور ته په مرکزي دفتر کې وسپارل شوه.

د مرستې د سپارلو پر مهال ښاغلي دلاور د ملي ټولنو نړیوال فدراسیون له دوامدارو بشري همکاریو مننه وکړه او ویې ویل چې مرسته شوي توکي به د اړتیا پر مهال په شفاف ډول او له هر ډول توپیر او تبعیض پرته تر مستحقو کورنیو ورسول شي.

نوموړي زیاته کړه چې افغاني سره میاشت له ګاونډیو هېوادونو څخه تازه راستنېدونکو کډوالو ته د لنډمهاله استوګنې په څلورو پنډغالو کې هره ورځ تر ۱۰ زره خوراکه پاخه خواړه وېشي او ورسره بېلابېل اړین روغتیايي خدمتونه هم وړاندې کوي.

د افغاني سرې میاشتې عمومي رئیس وویل: د تېرو ناخوالو له امله په هېواد کې ګڼ شمېر بې‌ سرپرسته مېرمنې، ماشومان او نور زیانمن شوي وګړي بشري مرستو ته اړتیا لري. نوموړي زیاته کړه چې په تېرو څو کلونو کې له ګاونډیو هېوادونو څخه په میلیونونو افغانان هېواد ته راستانه شوي، چې ډېری یې د سرپناه، خوړو، روغتیايي خدمتونو او نورو لومړنیو اړتیاوو له کمښت سره مخ دي. هغه له نړیوالو مرستندویه بنسټونو وغوښتل چې له افغاني سرې میاشتې سره خپلې بشري مرستې لا زیاتې او پراخې کړي. 

په افغانستان کې د ملي ټولنو نړیوال فدراسیون مشر وویل چې دغه مرستې د پېښو له امله زیانمنو شویو وګړو او له ګاونډیو هېوادونو څخه تازه راستنېدونکو افغانانو د لومړنیو اړتیاوو د پوره کولو او د هغوی د ژوند د شرایطو د ښه کولو په موخه برابرې شوې دي.

ښاغلي فیصل د افغاني سرې میاشتې د فعالیتونو د ستاینې ترڅنګ وویل چې ملي ټولنو نړیوال فدراسیون به د نږدې او باوري شریک په توګه له افغاني سرې میاشتې سره خپلو همکاریو ته دوام ورکړي. نوموړي زیاته کړه چې د اړمنو او زیانمنو کورنیو د ملاتړ لپاره به د اړتیا له مخې د بشري مرستو د راجلبولو او د مستحقو وګړو تر لاسرسي د رسولو هڅې لا پراخې کړي.

افغاني سره میاشت هڅه کوي چې د خپلو کاري شریکانو په همکارۍ د پېښو له امله زیانمنو او هېواد ته د راستنېدونکو افغانانو د لومړنیو اړتیاوو د پوره کولو په موخه بشري مرستې راجلب کړي.

Latest news

Sat, Nov 07 2026 9:26 AM
Background image

Comprehensive Health Services Provided to Thousands of Patients in Herat

Saturday, November 7, 2026

 

Over the past 30 days, medical staff of the ARCS have provided healthcare services to 20,051 outpatients across various districts and villages in Herat. . .

Thu, Nov 05 2026 8:09 AM
Background image

Badakhshan: Health Services Provided to Thousands of Patients Over the Past Month

Thursday, November 5, 2026

 

Over the past 30 days, medical staff of the ARCS have provided healthcare services to 4,490 outpatients across various districts and villages in. . .

Thu, Nov 05 2026 8:07 AM
Background image

Daikundi: AFN 2.1 Million in Cash Assistance Provided to 200 Flood-Affected Families

Thursday, November 5, 2026

 

The ARCS has distributed AFN 2.1 million in cash assistance to 200 flood-affected families in Khadir District of Daikundi Province.

The assistance was. . .

BACK TO NEWS