د افغاني سرې میاشتې سرپرست سکرتر جنرال د افغانستان لپاره د اندونېزیا هېواد له سفیر سره وکتل!
د افغاني سرې میاشتې سرپرست سکرتر جنرال د افغانستان لپاره د اندونېزیا هېواد له سفیر سره وکتل!
نن چهارشنبه د شوال میاشتې پر ۱۱مه، د افغاني سرې میاشتې سرپرست سکرتر جنرال ښاغلي مولوي روح الله عبدالسلام او د نوموړي د پلان او پالیسۍ مرستیال ښاغلي حافظ عزت الله امین په افغانستان کې د اندونیزیا له سفیر ښاغلي بوډي رحمت سوریا ساپوترا سره له ګاونډیو هېوادونو راستنېدونکو کډوالو ته د مرستو برابرولو په موخه ناسته وکړه.
ناسته کې سرپرست سکرتر جنرال د اندونیزیا هېواد له لوري افغانانو سره د ترسره کړو مرستو مننه وکړه او له دوی څخه یې د راستنېدونکو کډوالو لپاره د لنډ مهاله سرپناه، روغتیایي خدماتو او بېړنیو بشرپالو مرستو چمتو کولو غوښتنه وکړه.
ورپسې په افغانستان کې د اندونیزیا هېواد سفیر د افغاني سرې میاشتې د بشرپاله فعاليتونو ستاینه وکړه او ډاډ یې څرګند کړ چې د اسلامي ورورولۍ پر بنسټ به راستنېدونکو کډوالو ته د هغوی اړتیاوو ته په پام مرستې چمتو کړي.
