زابل؛ له ۷۰۰ بېځایه شویو کورنیو سره ۱۰.۵ میلیونه افغانۍ نغدي مرسته وشوه
پنجشنبه، ۲۷ ربیع الأول ۱۴۴۸
د افغاني سرې میاشتې له لوري د زابل ولایت په شملزو ولسوالۍ کې له ۷۰۰ داخلي بېځایه شویو کورنیو سره ۱۰.۵ میلیونه افغانۍ نغدي مرسته وشوه.
دغه مرسته د سره صلیب نړیوالې کمېټې له لوري چمتو شوې وه، چې له مخې یې هرې کورنۍ ته ۱۵ زره افغانۍ ورکړل شوې.
تمه ده، چې دغه نغدي مرسته د یادو کورنیو د لومړنیو اړتیاوو په پوره کولو او د هغوی د اقتصادي ستونزو په راکمولو کې اغېزمنه تمامه شي.
افغاني سره میاشت د داخلي بېځایه شویو کورنیو د ملاتړ لپاره د خپلو کاري شریکانو په همکارۍ هڅه کوي؛ څو دوی ته پر وخت بشري مرستې ورسوي.
