نورستان کې د افغاني سرې میاشتې له لوري ۱۷۴ نورو کورنیو ته مرسته وویشل شوه!
د تېرو ورځو په تعقیب د نورستان ولایت په مرکز کې د افغاني سرې میاشتې له لوري د ماندې، مدینې، پشکي او کوشتوز سیمو ۱۷۴ نورو بې ځایه شویو کورنیو ته د خوراکي توکو مرسته وویشل شوه.
یاده مرسته چې د ترکیې هېواد د سرې میاشتې له لوري شوې ده؛ په کې ۲۰ کیلو اوړه، ۱۰ کیلو وریژې او ۶ لیتره غوړي شامل دي.
په تېرو درې ورځو کې په نورستان ولایت کې له ۵۲۶ نورو داخلي بې ځایه شویو او اړمنو کورنیو سره هم د افغاني سرې میاشتې له لوري مرسته ترسره شوې.
