په فاریاب ولایت کې د افغاني سرې میاشتې له لوري ۱۲۰۰ کورنیو ته د مرستو لړۍ پیل شوه!
د روان ۱۴۰۰ هجري لمريز کال د لېندۍ پر ۱۸مه نېټه د افغاني سرې میاشتې ټولنې له لوري د فاریاب ولایت د المار او خواجه سبزپوش ولسوالیو ۱۲۰۰ اړمنو کورنیو ته د مرستو د وېش لړۍ د شمال ساحوی دفتر رییس الحاج شیخ یار محمد فاروقي او د یادې نمایندګۍ رییس او کارکونکو په شتون کې پیل شوه .
په یادو مرستو کی ۸ قلمه خوراکي توکي اوړه,ورېجې, غوړي, چای, بوره, بیسکویټ, لوبیا او مالګه شامل دي چې د سره صلیب او سرو مېاشتو نړېوال فدرېشن په مرسته چمتو شوي او نن ټولټال ۳۹۸ اړمنو کورنیو ته په المار ولسوالۍ کې توزیع شول او پاتې ۲۰۲ کورنیو ته به د جمعې په ورځ توزیع شي او همدا راز به د شنبې په ورځ دا لړۍ د یاد ولایت د خواجه سبزپوش ولسوالۍ ۶۰۰ اړمنو کورنیو ته وغزېږي .
