په غزني ولایت کې د افغاني سرې میاشتې ټولنې له څانګې څخه د مرستیال ښاغلي ملانورالدین ترابي لیدنه!
د روان ۱۴۰۰ لمریز کال د لړم پر دوهمه نیټه د افغاني سرې میاشتې ټولنې مرستیال ښاغلي ملا نورالدین ترابي له ولایتي استازولیو څخه د لیدنو په لړ کې، چې د مرکزي دفتر د بیلابیلو ریاستونو څخه جوړ پلاوي یې ملګرتیا کوله، د غزني ولایت له سرې میاشتې څخه لیدنه وکړه.
په یاده لیدنه کې د افغاني سرې میاشتې ټولنې مرستیال ښاغلي ملانورالدین ترابي په غزني ولایت کې د سرې میاشتې له کلینیک، املاکو او اداري څانګو څخه لیدنه وکړه او همدارنه یې د ستونزو او اړتیاوو په اړه له کارکونکو سره جلسه دایره کړه.
ښاغلي ملانورالدین ترابي د غزني سرې میاشتې ټولنې د مسؤلانو او کارکوونکو خبرې واوریدې او د شته ستونزو د حل په موخه یې اړونده څانګو ته هدایت ورکړ او ژمنه یې وکړه چې د یادې استازولۍ ستونزې به ژر تر ژره حل کړي.
