ننګرهار کې د افغاني سرې میاشتې له لوري ۲۰۰۰ کورنیو ته د مرستو ویش پیل شو
نن سه شنبه د روان ۱۴۰۰ لمریز کال د سلواغې په ۵مه په ننګرهار ولایت کې د افغاني سرې میاشتې له لوري د سره رود ولسوالۍ ۴۰۰ اړمنو کورنیو ته د ملک سلمان خیریه بنسټ د مرستو پر ویش په ننګرهار ولایت کې ۲۰۰۰ اړمنو کورنیو ته د مرستو ویش پیل شو.
د یادې مرستې د ویش لپاره د ننګرهار ولایت په څو ولسوالیو کې د اړمنو کورنیو د موندلو لپاره درې ورځې وړاندې د افغاني سرې میاشتې د سروې د ټیم او مسوولینو له لوري سروې شوې وه.
په یاده مرسته کې خوراکي او غیر خوراکي توکي شامل دي، چې په خوراکي توکو کې اوړه، غوړي، بوره، لوبیا، دال او ځینې نور توکي شامل دي او په غیر خوراکي مرسته کې ژمنۍ کمپلې شاملې دي.
