غور ولایت کې د افغاني سرې میاشتې له لوري ۷۰۰ اړمنو کورنیو سره مرسته وشوه!
د غور ولایت د الفاروق ولسولۍ په شويج کلي کې د افغاني سرې میاشتې له لوري پرون د جمعې په ورځ د روان ۱۴۰۰ کال د مرغومي پر۱۰ مه نېټه ۷۰۰ اړمنو کورنیو ته چې سروې يې مخکې ترسره شوې وه؛ د خوراکي توکو مرسته وویشل شوه.
په یاده مرسته کې اته قلمه خوراکي مواد شامل دي، چې په کې ۱۰۰ کیلو اوړه، ۴۹ کیلو وریژې، ۲۰ لیتره غوړي، ۱۰ کیلو بوره، ۱۴ کیلو لوبیا، ۲ کیلو شین چای، ۴کیلو مالګه او ۲ پاکټ BP5 بکسټ شتون لري. یاده مرسته د نړیوال فدراسیون له لوري چمتو شوې.
