د افغاني سرې میاشتې عمومي سرپرست رییس مولوي مطیع الحق خالص دوحه کې د قطرالخیریة موسسې له رهبرۍ سره ولیدل
نن د کب پر ۴مه نېټه د افغاني سرې میاشتې سرپرست عمومي رییس مولوي مطیع الحق خالص دوحه کې د قطرالخیریة د موسسې د رهبرۍ له غړو سره لیدنه ترسره کړه.
په دې لیدنه کې د قطرالخیریة موسسې غړو ژمنه وکړه، چې افغاني سرې میاشتې ته به د مرستو لاس ورکوي. په لیدنه کې دواړو لوریو ټینګار وکړ، چې د مرستو د تعقیب او دوام لپاره به اړیکې پراخوي.
په دې لیدنه کې د افغاني سرې میاشتې سکرتر جنرال ډاکتر محمد نبي برهان او د نړیوالو اړیکو رییس غلام حبیب حسام هم ګډون درلود.
