د افغاني سرې میاشتې سرپرست عمومي رییس په افغانستان کې د جاپان له سفیر، د جاپان د جایکا خیریه بنسټ له مسؤل او افغانستان کې د نړیوال فدراسیون له مشر سره په افغانستان کې د بشري مرستو په تړاو ناسته ترسره کړه!
نن د ذي الحجې په ۲۸مه د افغاني سرې میاشتې سرپرست عمومي رییس ښاغلي مولوي مطیع الحق خالص په افغانستان کې د جاپان له سفیر، د جاپان د جایکا خیریه بنسټ له مسؤل او افغانستان کې د نړیوال فدراسیون له مشر سره په افغانستان کې د بشري مرستو په تړاو ناسته ترسره کړه.
ناسته کې افغانستان کې اړمنو ته د بشري مرستې پر زر وېش خبرې وشوې.
افغانستان کې د جاپان سفیر افغانستان ته د جاپان د رالېږلو مرستو د ښه وېش په اړه له افغاني سرې میاشتې مننه وکړه او په راتلونکي کې یې د لا زیاتې همکارۍ هیله څرګنده کړه.
نوموړي وویل، چې جاپان له افغاني سرې میاشتې سرهد نړیوال فدراسیون له لارې ۳ میلیونه ډالر مرسته په پام کې لري، چې د روغتیا، پېښو، کور جوړونې او نورو اړینو برخو کې به مصرف شي.
ناسته کې د افغاني سرې میاشتې سرپرست عمومي رییس ښاغلي مولوي مطیع الحق خالص د ناستې ګډونوالو ته د مرستو د وېش په برخه کې د شفافیت اطمنان ورکړ.نوموړي افغانستان کې د جاپان له سفیره وغوښتل، چې د بشري مرستو په تړاو لازمه ده، چې له افغاني سرې میاشتې سره د دوی یو استازی ګډ کار وکړي؛ ترڅو په دې تړاو اړیکې لا پیاوړې واوسي.
د افغاني سرې میاشتې سرپرست عمومي رییس ښاغلي مولوي مطیع الحق خالص افغانستان کې د جاپان له سفیره وغوښتل، چېله دوی سره د ظرفیت لوړونې، د کورونو په جوړونه، د کرنیز سکتور د پیاوړتیا او له بېوزله کورنیو سره د نغدي مرستو په زیاتوالي کې رغنده رول ولوبوي.
