د افغاني سرې میاشتې سرپرست عمومي رئیس مولوي مطیع الحق خالص د سعودي عربستان د جدې ښار کې د کویت د سرې میاشتې له پلاوي سره ناسته ترسره کړه!
د افغاني سرې میاشتې سرپرست عمومي رئیس مولوي مطیع الحق خالص د سعودي عربستان د جدې ښار کې د کویت د سرې میاشتې له پلاوي سره ناسته ترسره کړه. ناسته کې ښاغلي مولوي مطیع الحق خالص د کویت د سرې میاشتې او خیریه بنسټونو مننه وکړه، چې افغاني سرې میاشتې ته یې د مرستو پراخ لاس ورکړی نوموړي د کویت د سرې میاشتې له پلاوي غوښتنه وکړه، چې له تېر څخه هم ډېر افغاني سرې میاشتې ته د مرستې او همکارۍ لاس ورکړي، ځکه افغانستان لا هم مرستو ته ستره اړتیا لري.نوموړي همدا ډول د سوري زړه په ناروغۍ د اخته ماشومانو د درملنې برخه کې د کویت د سرې میاشتې مرستې اړینې وبللې او هیله یې وښوده، چې په دې برخه کې هم افغاني سرې میاشتې ته د ملاتړ لاس ورکړل شي. د کویت د سرې میاشتې پلاوي ژمنه وکړه، چې د افغاني سرې میاشتې لاسنیوی او ملاتړ به کوي او افغانستان ته د نغدو پیسو د لېږد د ستونزو له حل کیدو وروسته به اړینې بشرپالې پروژې پلې کوي پلاوي همدا ډول څرګنده کړه، چې د کویت سره میاشت به تل د یو دوست او خواخوږي په څېر د افغانانو هر اړخیز لاسنیوی کوي او له افغاني سرې میاشتې سره به ګډه همکاري وکړي.
