د افغاني سرې میاشتې د ننګرهار مرستون کې د شمسي بریښنا پروژه ګټه اخیستنې ته وسپارل شوه!
نن د سې شنبې په ورځ د افغاني سرې میاشتې د ختیځ زون اړوند مرستون کې د شمسي برښنا پروژه، چې په یو ساعت کې د ۴۱ کیلو واټ برښنا د تولید ظرفیت لري او د څلور ملیونه اته سوه درې اتیا زره اوه سوه شپیته افغانیو په لګښت د مرستون اړوند د مشمولینو کورنیو ته چمتو شوې؛ ګټې اخیستنې ته وسپارل شوه.
د پرانیستې په دې مراسمو کې د ختیځ زون د همغږۍ رییس ښاغلي میا حفیظ الدین قمري، د افغاني سرې میاشتې د مرستونونو رئیس ښاغلي مغفور الله شهید زوی او د ننګرهار مرستون آمر ښاغلی احسان الله ممله وال ګډون کړی و.
ښاغلي قمري د سرې میاشتې د رهبرۍ په نماینده ګۍ د یادې پروژې د تمویل کوونکو مننه وکړه او یاده پروژه یې د مشمولینو لپاره ډېره اړینه و بلله.
