افغاني سرې میاشتې هلمند کې ۹۰ سیلاب ځپلو کورنیو سره مرسته وکړه
د هلمند ولایت په بابا جي، لوی مانده، سپین مسجد مانده، ناد علی، ناقل اباد او چانجیر سیمو کې له ۹۰ کورنیو سره د افغاني سرې میاشتې له لوري د غیر خوراکي توکو مرسته وشوه. په یاده مرسته کې ۶ کمپلې، ۱ ترپال، ۲ د اوبو شل لیتره ډبې او د پخلي لوښي شامل دي. د پخلي په لوښو کې ۳ دیګونه، ۷ کاسې، ۷ د مستو کاشوغې، ۲ د پخلي کاشوغې، ۷ د اوبو ګیلاسونه او یوه چاړه شامل دي.
پر دې سربېره د هلمند ولایت د حوادثو ریاست هم له افغاني سرې میاشتې سره یوځای یادو سیلاب ځپلو سره د خوراکي توکو مرسته وکړه.
