افغاني سره میاشت په پام کې لري په خوست او پکتیکا ولایتونو کې پر زلزله ځپلو کورنیو ټولټال پینځه شپېته میلیونه (۶۵۰۰۰۰۰۰) افغانۍ نغدي مرسته وویشي.
له یادې مرستې تر دا مهاله د خوست ولایت د سپېرې ولسوالۍ ۸۶۷ زلزله ځپلو کورنیو ته یولس میلیونه دوه لکه یو اویا زره ( ۱۱۲۷۱۰۰۰ ) افغانۍ او د پکتیکا ولایت په ګیان ولسوالۍ کې ۲۰۰۰ زلزله ځپلو کورنیو ته شپږ ویشت میلیونه (۲۶۰۰۰۰۰۰) افغانۍ نغدي مرسته ویشل شوې.
یاده مرسته کې هرې کورنۍ ته ۱۳۰۰۰ افغانۍ نغدي مرسته ورکول کېږي.
