ارزګان کې ۸۵۰ اړمنو کورنیو سره د افغاني سرې میاشتې له لوري مرسته وشوه!
نن د روان ۱۴۰۰ لمریز کال د مرغومي پر ۱۸مه په ارزګان ولایت کې له ۸۵۰ اړمنو، وچکالۍ ځپلو، بې ځایه شویو او بې سرپرسته کورنیو سره د افغاني سرې میاشتې له لوري مرسته وشوه. یاده مرسته د ارزګان د مرکز اوسېدونکو ته د افغاني سرې میاشتې په ریاست کې وویشل شوه.
ټاکل شوې د ارزګان ولایت په مرکز او ولسوالیو کې به ټولټال ۳۰۰۰ اړمنو کورنیو ته د افغاني سرې میاشتې له لوري مرسته وویشل شي.
په یاده مرسته کې ۸ قلمه مواد شامل دي، چې په کې ۵۰ کیلو اوړه، ۲۴.۵ کیلو وریژې، ۷ کیلو لوبیا، ۵ کیلو بوره، ۲ کیلو مالګه، ۱ کیلو چای، یوه قطعۍ BP۵ بسکوټ او ۱۰ لیتره غوړي شتون لري.
پرون هم په ارزګان ولایت کې د افغاني سرې میاشتې له لوري ۵۰۰ اړمنو کورنیو ته یاده مرسته ویشل شوې وه.
