کندز کې ۴۰۰ کورنیو ته د افغاني سرې میاشتې له لوري مرسته وویشل شوه
نن د پنجشنبې په ورځ د کندز ولایت په مرکز کې ۴۰۰ وچکالۍ ځپلو او بې سرپرسته کورنیو ته د افغاني سرې میاشتې له لوري د خوراکي او غیر خوراکي توکو مرسته وویشل شوه.
په یاده مرسته کې هرې کورنۍ ته لوبیا، بوره، دال نخود، غوړي، وریژې، اوړه، بړستنې، ژمني توکي او چای شامل وو. ټاکل شوې، چې سبا د جمعې په ورځ به هم د کندز ولایت د ښار په څنډو کې پرتو ۴۰۰ نورو کورنیو ته هم یاده مرسته وویشل شي.


