هلمند کې ۲۵۰ کورنیو ته د افغاني سرې میاشتې له لوري مرسته وویشل شوه
نن د جمعې په ورځ د روان ۱۴۰۰ لمریز کال د سلواغې پر ۱۵مه نېټه هلمند ولایت کې د افغاني سرې میاشتې له لوري ۲۵۰ وچکالۍ ځپلو، جنګ ځپلو، بېوزلو او بې سرپرسته کورنیو ته د خوراکي او غیر خوراکي توکو مرسته وویشل شوه. تېره ورځ هم په هلمند ولایت کې ۲۵۰ اړمنو کورنیو ته یاده مرسته ویشل شوې وه.
په ویشل شوې مرسته کې اته قلمه توکي شامل دي، چې په کې ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو چای،۳ کیلو مالګه، یو ډبی بسکوټ، ۱۴ جوړې جرابې، ۴ د ماشومانو کوټونه، ۲ د لویانو کوټونه، ۱ ښځینه ټیکری، ۱ د سړیو پټو، ۲ جوړه د لویانو بوټونه، ۴ جوړه دستکشې، ۲ د اوبو شل لیتره بوشکې، ۱ د اوبو سطل، ۷ د ځان وینځلو ډیټول صابونونه، ۱ بیک، د غاښونو کریمونه او یو شمېر نور توکي موجود دي.
