نن ورځ په کابل کې د افغاني سرې میاشتې له لوري ۳۰۰ نورو اړمنو کورنیو ته مرسته وویشل شوه!
نن د یکشنبې په ورځ د روان ۱۴۰۰ لمریز کال د مرغومي پر ۱۲مه نېټه په کابل ولایت کې د افغاني سرې میاشتې له لوري له ۳۰۰ نورو اړمنو کونډو، یتیمانو، معلولینو او بې سرپرسته کورنیو سره د خوراکي او غیر خوراکي توکو مرسته وشوه.
یاده مرسته چې د سعودي عربستان د ملک سلمان د خیریه بنسټ له لوري افغاني سرې میاشتې ته سپارل شوې وه؛ په کې خوراکي توکي شامل دي.
کابل ولایت کې د ملک سلمان خیریه بنسټ له لوري چمتو شوې مرستې تر دا مهاله د افغاني سرې میاشتې له لوري ۱۰۷۰ کورنیو ته ویشل شوې دي.
