زابل کې افغاني سرې میاشتې ۴۰۰ بېوزلو کورنیو ته د ژمنیو توکو مرسته وویشله
نن چهارشنبه د روان ۱۴۰۰کال د سلواغې پر ۱۳مه زابل ولایت کې د افغاني سرې میاشتې له لوري ۴۰۰ بېوزلو کورنیو سره د ژمنیو توکو مرسته ترسره شوه.
یاده مرسته نن د زابل په مرکز کې هغو کورنیو ته وویشل شوه، چې له مخکې یې سروې شوې وه. ټاکل شوې ۲۰۰ نورو کورنیو ته به هم سبا د زابل ولایت د سیوري په ولسوالۍ کې یاده مرسته وویشل شي. په دې مرسته کې یو د سړیو پټو، یو ښځینه ټیکری، لس جوړې جرابې، د ماشومانو څلور خولۍ، یوه جاکټ او دوه بړستنې شاملې دي.
