دافغاني سرې میاشتې ټولنې له لوري په خوست ولایت کې خوراکي توکي وویشل شول!
د روان ۱۴۰۰ لمریز کال د سلواغې د میاشتې په ۲۷ نېټه ۱۰۰۰ اړمنو، وچکالۍ ځپلو، بېځایه شوو، بې سرپرسته، یتیم ماشومانو، معلولینو او معیوبینو کورنیو سره د افغاني سرې میاشتې له لوري د خوست ولایت د مرکز او شاوخوا سيمو اوسیدونکو ته د خوست ولایت سرې میاشتې په انگړ کی ۹ قلمه خوراکي توکي چې په کې ۵۰ کیلو اوړه، ۲۴.۵ کیلو وریژې، ۱۰ لېتره غوړي،۷ کیلو لوبیا، ۷ کیلو نخود ، ۷ کیلو دال، ، ۵ کیلو بوره، یوه کیلو شین چای او ۲ کیلو مالګه شامله وه د مرکزی سویل لوديځ زون رئیس محترم مولوی الیاس خیل (ناصری)، محترم مفتي زين العابدين صاحب زاده د خوست د سري میاشتې رئيس، کارکونکو ، رضاکارانو او رسنيو استازو په شتون کي ووېشل شول. یاده مرسته د آلمان د سولې کلي موسسي له لوري شوي وه.
د یادونې وړ ده چې پرون د سه شنبې په ورځ هم د پکتیا په ولایت کې یادې مرستې ۱۰۰۰ اړمنو کورنیو باندې وویشل شوي.
