په بغلان ولایت کې د افغاني سرې میاشتې له لوري ۶۰۰ کورنیو ته د مرستو لړۍ پیل شوه!
د روان ۱۴۰۰ هجري لمريز کال د لېندۍ پر ۱۹مه نېټه د افغاني سرې میاشتې ټولنې له لوري د بغلان ولایت د دهنه غوري ولسوالۍ د بېخ کلي ۶۰۰ اړمنو کورنیو ته د مرستو د وېش لړۍ پیل شوه .
په یادو مرستو کی ۸ قلمه خوراکي توکي: ( ۵۰ کیلو اوړه، ۲۵ کیلو وریژې، ۱۰ لیتره غوړي، ۱کیلو شین چای، ۵ کیلو بوره، ۷ کیلو لوبیا ، ۲ کیلو مالګه او یو ډبی بیسکویټ) شامل دي چې د سره صلیب او سرو مېاشتو نړېوال فدرېشن په مرسته چمتو شوي او نن ټولټال ۲۰۰ اړمنو کورنیو ته په دهنه غوري ولسوالۍ کې توزیع شول او پاتې ۴۰۰ کورنیو ته به په راتلونکو دوه ورځو کې توزیع شي.
د یادونې وړ ده چې له تېرو شلو کلو را پدېخوا د لومړي ځل لپاره یاد کلي ته مرسته توزیع شوه.
د بغلان ولایت په دهنه غوري ولسوالۍ کې په یاده سیمه کې ۶۰۰ کورنیو ته د خوراکي بستو له وېش وروسته د افغاني سرې میاشتې له لوري د یاد ولایت په مرکزي بغلان ولسوالۍ کې هم ۶۰۰ اړمنو کورنیو ته خوراکي بستې ویشل کېږی.
