د سرې میاشتې سرپرست رییس مولوي مطیع الحق خالص د کابینې په لسمه غونډه کې کډون وکړ!
د افغاني سرې میاشتې ټولنې سرپرست رییس مولوي مطیع الحق خالص د رییس الوزرا په بلنه د روان لمریز کال د لړم د میاشتې پر۲۴مه نېټه چې د ۱۴۴۳میلادي کال د ربیع الثاني له ۹مې نېټې سره سمون لري د کابينې په لسمه غونډه کې کډون وکړ.
په یاده غونډه کې پر نورو مسايلو سربېره افغاني سرې میاشتې ټولنې ته دنده وسپارل شوه، چې د کابل د امنيه قومندانۍ او نورو اړونده ارګانونو په مرسته او همغږۍ د کابل ښار سوالګر تثبیت او د هغوی د اړتياو (ځای، خوراک، پوښاک، دارو درمل ) برابرولو او پاللو په موخه طرحه چمتو او د ریاست الوزراء مقام ته وړاندې کړي.
د سرې میاشتې سرپرست رییس محترم مولوي مطیع الحق خالص ژمنه وکړه، چې د کابل امنیه قومندانۍ او اړوندو نورو ارګانونو سره به دیو ګډ هيئت د جوړولو له لارې د کابل ښار د سوالګرو د تثبيت او هغوی ته د اړتیاو د پوره کولو په برخه کې له حکومت سره ګډ کارکوي.
