په پکتیا ولایت کې له «٤٠٠» کورنیو سره د افغاني سرې میاشتې ټولنې د خوراکي توکو مرسته!
نېټه:۲۴/۶/۱۴۰۰
د افغاني سرې میاشتې ټولنې سرپرست رئیس ښاغلي مولوي سید صفت الله قریشي او ورسره پلاوي د پکتیا څانګې په احمدخیلو ولسوالۍ کې «۱۵۰» سیلاب ځپلیو او اړمنو کورنیو ته د کویټ سرې میاشتې په مالي مرسته اووه قلمه خوراکي توکي: «وریژې، غوړي، لوبیا، چای، بسکویټ، مالګه او بوره » و وېشل. دا په داسې حال کې ده چې یاد خوراکي توکې په جاني خیلو ولسوالۍ کې هم ۲۵۰ اړمنو او سیلاب ځپلیو کورنیو ته د وېش په حال کې دي.
د یاد سفر په ترڅ کې د افغاني سرې میاشتې ټولنې د عمومي ریاست سرپرست ښاغلي سید صفت الله قریشي او د مرکزي دفتر یو شمېر ریسانو د پکتیا څانګې د فعالیتونو د لا ښه والي او تنظیم په موخه د پکتیا څانګې له رئیس او کارکوونکو سره کاري ناسته دایره کړه، چې د ستونزو او خنډونو د له منځه وړلو په اړه بحث او خبرې اترې وشوې.
