د کابل ښار په پاکوالي کې د افغاني سرې میاشتې ټولنې د رضاکارانو کډون!
د کابل ښار د پاکوالي کمپاین د جمهوري ریاست د چارو ادارې له لوري د افغاني سرې میاشتې ټولنې د رضاکارانو، د اطلاعاتو او کلتور وزارت د ځوانانو معینیت او کابل ښاروالۍ په ګډون سره، د روان ۱۳۹۹ لمریز کال د تلې پر ۲۷ نیټه د یوې ورځې لپاره په لاره واچول شو.
په یاد پروګرام کې د جمهوري ریاست د چارو ادارې کلتوري ریس ښاغلي میاګل وثیق، د اطلاعاتو او کلتور وزارت د ځوانانو معین ښاغلي لایق شاه ځدراڼ، د افغاني سرې میاشتې ټولنې د ځوانانو او رضاکارانو ریس ښاغلي شفیع الله جمال، د کابل ښار د لومړۍ ناحیې مرستیالې او د افغاني سرې میاشتې ټولنې رضاکارانو ونډه درکوده، چې ( زموږ ښار زموږ کور) تر شعار لاندې یې کابل ښاریانو ته د ښاري پاکوالي پیغام ورکړ.
