د کرونا ویروس پر وړاندې د افغاني سرې میاشتې ټولنې د کړنو ریپوټ:
د ګرځبندیز د پلي کیدو په موده کې د افغاني سرې میاشتې ټولنې د کړنو او کاري شریکانو د مرستو په اړه د یادې تولنې سکرټرجنرالې آغلې ډاکټر نیلاب مبارز د خبري کنفرانس په ترڅ کې رسنیو ته و ویل:
د افغاني سرې میاشتې ټولنې د کرونا ویروس او ګرځبندیز له پیل تر اوسه پورې د کرونا ویروس څخه زیانمنو کسانو، طبیعي او غیر طبیعي پیښځپلیو او بې ځایه شویو ته په ټول هیواد کې خوراکي او غیر خوراکي توکي ویشلي، چې تر څنګ یې د مرکزي روغتون، بنسټیزو او ګرځنده کلینیکونو او رضا کارانو له لوري د کرونا ویروس د خپراوي څخه د مخنیوي، روغتیایي لارښونې، سکریننګ او په کورنا ویروس د اخته شکمنو کسانو پیژندنه او همدارنګه د کوید -۱۹ روغتونونو ته د هغوی ور پېژندل او عامه پوهاوی تر سره کړی چې په لاندې ډول دي:
د روغتیایي خدمتونو څانګه:
د افغاني سرې میاشتې ټولنې د روغتیایي خدمتونو ریاست د کرونا ویروس د خپراوي په لړ کې د هیواد په کچه د (۴۶) ثابتو کلیکینونو، (۷۰) ګرځنده ټیمونو، (۲۲) فرعي کلینیکونو، (۱) جامع روغتیایي او په مرکز کې د (۲) روغتونونو له لارې لاندې خدمتونه وړاندې کړي دي:
د « ۳۴۶۰۴۹ تنو» سکریننګ ( چاڼ)
په کرونا ویروس د (۳۹۹۷۳ ) شکمنو کسانو پیژندنه
د کویدـ۱۹ روغتونونو ته د (۱۸۷۷ کسانو) ورپیژندل
او (۴۷۶۰۴۹ تنو) ته عامه روغتیایي پوهاوی ورکړل شوی دی
د پیښو څانګه:
د افغاني سرې میاشتې ټولنې د پیښو ادارې له لارې« ۱۲۶۴۴۵۷» تنو اړمنو، طبیعي او غیر طبیعي پېښو ځپلیو او له کرونا ویروس څخه زیانمنو شویو کسانو ته خوراکي توکي: (وریژې، غوړي، لوبیا، چای، بوره، مالګه او بیسکویټ) او غیر خوراکي توکي: (ترپالونه، کمپلې، پلاسټیکونه، د ابو بوشکې، د پخلنځي سیټونه، روغتیایي کیټونه، د کالیو مینځلو او ځان مینځلو صابونونه) په ټول هیواد کې ویشلي دي.
د یادونې وړ ده چې دیرش میلیونه افغانۍ د خوراکي تو او ـ ۷۲۳۷۶۳۱۸ ـ افغانۍ د نړیوال فدریشن په مرسته له اپیل پروژې څخه د « ۱۹ » قلمه غیرخوراکي توکو په رانیولو لوګول شوې دي.
د افغاني سرې میاشتی ټولنه تل هڅه کوی ترڅو د هیواد به بیلابیلو برخو کی د کرونا ویروس او طبیعی او غیر طبیعی پیښو د زیانمنو دلاسنیوي له لارې د ټولنې په سالمتیا کې رغنده رول ولوبوي.
