په لویدیځ زون کې د محافظت او مصؤنیت په اړه یو ورځنی ښوونیز ورکشاپ جوړ شو!
د کارمندانو د ظرفیت لوړاوې د افغاني سرې میاشتې له بنسټیزو موخو ګڼل کیږي، په همدې موخه د ربیع الثاني په ۱۴، د افغاني سرې میاشتې له لورې لویدیځ زون اړوندو څانګو (هرات، نیمروز، فراه، بادغیس او غور) ولایتونو - او همدارنګه هرات مرستون ساتونکو ته د ظرفیت لوړونې په موخه د محافظت او مصؤنیت یو ورځنی ورکشاپ جوړ کړ شو. د یاد ورکشاپ په پیل کې انجینر مصطفی" نبي خیل" د افغاني سرې میاشتې د لوېديځ زون رییس او د لویدیځ زون د سره صليب د نړيوالې کمېټې ساحوي مسئول ذبيح الله "يوسفي" د محافظتي سکټور - د دندې پر اهميت هر اړخيﺯه خبرې وکړې. ورپسې د مصئونيت او ساتنې مسئولينو هم ساتونکو ته د محافظت اړوندې دندې تشريح او د مراجعیونو سره د نیک چلند سپارښتنې وکړې. د ورکشاپ په پاې کې د اړوند مسؤلیونو له لورې د ساتونکو ستونزې واوریدل شوې او د حل ډاډ ورکړ شو.
