د پارسا مؤسسې له رئيس سره د افغاني سرې مياشتې ټولنې د عمومي رئيس ناسته !
د افغاني سرې مياشتې ټولنې د عمومي رياست سرپرست ښاغلي مولوي مطېع الحق خالص د پارسا مؤسسې له رئيسې مېرمن مارني سره د دوشنبې په ورځ د ١٤٠٠ کال د لړم د مياشتې په ١٧مه نېټه په خپل کاري دفتر کې وکتل.
په دې ليدنه کې د پارسا مؤسسې پر فعاليتونو باندې رڼا واچوله چې له ١٩٩٦ کال راهيسې يې پيل کړي دي او له ١٧ کلونو راپدېخوا يې په سره مياشت کې دننه د ښوونې او روزنې، حرفه، رواني روغتيا، بېځايه شويو کورنيو، د خوراکي او غير خوراکي توکو د وېش، کرنه او فارم لرنه او پخوا يې په سولري سيسټم د افغاني سرې مياشتې ټولنې د مرستونونو د بيا رغونې په برخه کې فعاليتونه ترسره کړي دي، په تفصيل سره يې خبرې وکړې او په راتلونکي کې يې له افغاني سرې مياشتې ټولنې سره د هر ډول مرستې او همکارۍ ژمنه وکړه.
د افغاني سرې مياشتې ټولنې د عمومي رياست سرپرست د نوموړې مؤسسې له کارکړنو څخه قدرداني وکړه او د لاډېرو مرستو او همکاريو غوښتنه يې وکړه.
